" या कातरवेळी "

------------

 सायंकाळची वेळ झालीय . थोड़्यावेळात दिवेलागणीही करावी लागेल . पण ते सगळं नजरेआड़ करून मी पाहत बसलेय त्या निळाई ल्यालेल्या आकाशाकड़े पाहते तर काय !  आकाशात छान हलकेसे ढग दाटून आलेत.  मंद मंद वारा सुटलाय ,पक्षी घराकड़े परताहेत , अधून मधून हलकासा फुलांचा सुगंध दरवळतोय आणि मी गॅलरीत हातात चहाचा कप  घेऊन गुणगुणण्याचा प्रयत्न करतेय . तर हे काय ओठी एकदम  "गदिमा "  चं अगदी मनातलं गाणं यावं यापेक्षा सुंदर क्षण तो  कोणता !!

या कातरवेळी पाहीजेस तू जवळी

दिवस जाय बुड़ून पार

ललित नभी मेघ चार

पुसट त्यास जरीकिनार

उसवी तीच सांज खुळी

# गदिमा

सख्या खरंच तू या कातरवेळी फार आठवतोस. दिवसाचे दोन प्रहर तुझ्या आठवणीत रममाण होऊन निघून जातात . पण या तीस-या प्रहरी  एक अनामिक हुरहुर सतत अवतीभवती रूंजी घालत राहते . तुझ्या आठवणीतही मन रमता रमत नाही आणि मग मन सारखं म्हणत राहतं .  तू एखाद्या तरी सांजेला माझ्या सोबतीने असावंसं .  तर आणि तरचं ही कातरवेळ मला कस्पटासमान भासणार नाही .

ऐकतोयस ना !!

 © वर्षा पतके थोटे

.

🌝🌝🌝