तू हवा होतास मला

कृष्णाचे मोरपीस अलवार न्याहाळताना
रोजच्या जगण्याचे संदर्भ शोधताना
तू हवा होतास मला
पहाटेच्या समयी अर्ध्य देताना 
दुपारच्या टळटळीत उन्हात घामाच्या धारा टिपताना
तू हवा होतास मला
तुटक्या तुटक्या कातरवेळी
अशांत समयी शांत करायला
तू हवा होतास मला
चंद्राच्या साक्षीने चांदण्यात फिरताना
रात्रीच्या वेळेस शांत तलावातील तरंग पाहताना
तू हवा होतास मला
फाटकी झोपडी सावरताना
मनाची मनाशी ओळख करायला
तू हवा होतास मला
असलेली शिवण घालायला
फाटलेल्या परिस्थितीला सावरायला
तू हवा होतास मला
मनाच्या खिळखिळ्या पानांना वेचायला
मनातील साबूत वाळवीला काढायला
तू हवा होतास मला
अश्रू पिण्याचे व्यसन थांबवायला
संपलेल्या अश्रुना आळवायला
तू हवा होतास मला
मृत्यूच्या अधिरतेला रोखायला
मृत्यू नंतरच्या राखेला सावळायला
तू हवा होतास मला

वर्षा थोटे /पतके