मी मला सावराया लागली
पून्हा नव्याने जगाया लागली
मतलबी दुनियेत थोड़ी थोड़ी स्वार्थी होऊ लागली
मी मलाच नव्याने ओळखू लागली

भुतकाळातील खूणा विसरून
वर्तमानाच्या चाहूलीला ओळखाया लागली
मंदीरातील देवाला कोनाड़्यात बसवून
माणसाच्या आत्म्यातील देव शोधाया लागली

जाणीवेच्या या जगण्याने छळले होते
नेणीवेने जगणे पार कराया लागली
अश्वाश्वतेच्या जगण्यामध्ये
मी जगणे शोधू लागली

दुःख पचवता पचवता अश्रू पिऊ लागली
स्वच्छ पांढ-या ड़ोळ्याने सुख शोधू लागली
रोज मरण्याच्या या जगण्यात
रोज नव्याने थोड़ी थोड़ी जगू लागली

मी मला ओळखता ओळखता
कविता,गझल वैगरे कराया लागली
तुमच्या ड़ोळ्यात माझी कविता,गझल वाचू लागली

वर्षा थोटे/पतके