मनातला पाऊस.....💗

मनातला पाऊस मनातच बोलतो
मनातल्या रानात शिळ घालता -घालता
बासरीतूनच राधेशी खूप काही बोलतो
मनातला पाऊस मनातच बोलतो
वृंदावनाशी दिव्यांची ओंजळ धरता-धरता
विष्णूही तूळशीच्या अंगणी फेर धरून नाचू लागतो
मनातला पाऊस मनातच बोलतो
आठवांचे मन सांभाळता-सांभाळता
मिरेलाही वेदनेचे थवे देत फिरतो
मनातला पाऊस मनातच बोलतो
असा कसा रे तू प्रत्येकाच्या मनात घर करतोस
तू नाकारले जरी-तरी प्रत्येक श्वासातच तू आम्हाला दिसतोस.

वर्षा पतके-थोटे
30-7-2018