अस्तित्व

माझ्याच शहराकड़े पाहतांना
फक्त रात्रीच्याच प्रकाशात
इतक्या कालावधीनंतरही 
एक अनोळखीपण जाणवतंय

माझ्याच शहराकड़े पाहतांना
दिवसा मात्र सगळे संदर्भ जुळतात
प्रत्येक खूण ओळखीची
ना वाट हरवण्याची भिती
ना हरवण्याची चिंता.
कारण,
प्रकाशाचे अस्तित्व सोबत असतं सौम्यपणे
कायम.

माझ्याच शहराकड़े पाहतांना
भासत असावं का हे अनोळखीपण?
आपल्याच शहरातलं
रात्रीच्या झगमगाटी
अस्तित्वहिन प्रकाशामुळे
की फक्त मलाच..?

रात्रीच्या झगमगाटी प्रकाशात
कसलं अनोळखीपण वाट्याला आलयं..
की,
माझीच मुळे रूजायचीच
आहेत माझ्याच शहरात ,अजूनही ...??

©वर्षा पतके थोटे
24-01-2018